بدون سبب

 

صحيت من نومي و انا احس ان هموم الدنيا كلها فيني

 

الكون ضايق علي

 

......................

 

نفسيتي زفت .. و اكلم الناس اللي اعزها بنفس خايسة

 

.....................

 

مالي الا البكاء

 

....................

 

 

 

/

\

/

\

 

ربي ادعوك و كلي امل ان تستجيب .. فهومي اغرقتني و فؤادي في نحيب

 

 

 

 

مـــرحــبـــــــــــــــا

 

اخيرا خلصت من الكورس الصيفي .. تفرغت لسبيسي .. من سويته و انا في خاطري اكتب فيه

و لاجل ذلك سينحصر حديثي الان عن الصيفي .. و اهم التطورات اللي حدثت لي فيه

طبعا اول ما دوامت كنت احاول اعادة تاهيل عقليتي .. و كنت اقنع نفسي اني مستمتعة في الكورس

 و اقول للبنات : الجو الصراحة يجنن ما توقعته كذا .. الا اني انصدمت بعد ذلك ان المواد اللي بدرسها مختلط .. يعني بيكون معاي شباب في ال(سيكشن) و لا فات الفوت ما ينفع الصوت .. لانك اذا سجلتي في الصيفي لا يمكن تسبيحن منه الا بعذر مقنع

اول ما دخلت السيكشن وجهي كان كذا لدرجة ان الدكتور ينادي في اسمي و لا ارد عليه و اجيه بعد المحاضرة اقوله دكتور ما سمعت اسمي و احصل تهزيئة الا ان تعودت عالوضع و بدأت ارد على الدكتور بس فيه حالة مناداة اسمي و الا باقي الساعة كلها طناااااااش و منحشرة في زاوية اخر الصف و العب مع الللي جمبي اكس او ..

و بعض المرات اطلق لعيني العنان من اجل مراقبة بعض الفئة اللي كل همهم البلوتوث .. و تشوف عيونهم تلاقط بين الكراسي يبون يعرفون من اللي يرسل ..

 و اللي يقهر قبل لا يجي الدكتور .. حركات تافهه من الشباب كلها لفت انتباه

 و يالله حيه .. و ارحب و خذ سوالف بصوت يخترق طبلة الاذن غصبن عنك 

و انا في قلبي ادعي ان الدكتور ما يجي .. صدق ان المادة حلوة و تجنن بس حلاتها بدون شباب لان المواضيع  تحفة .. المقرر كله عن الشعر العباسي و بشار و ابي نواس و الذي منه ودي احط كم بيت شعر بس حيائي يمنعني و الدكتور ماشاءالله عليه وجهه وسيع ما عنده مانع يقول البيت .. وخذ عاد اول ما يخلص الدكتور من القاء القصيدة تعليقات الشباب و احنا وجيهنا تقطع .. مرات اقول تجربة و وناسة و مرات اقرر اني اعيد الماة الكورس الجاي

لكن الله يجزاها خير اللي جبني لولا حنتها كان ما كملت الكورس

 

 و اول ما تخلص المحاضرات في تمام الساعة 3 و في عز الحر يكون الواحد ملعون خيره تلقى ناس فاضية تطلع تتمشى لعنبو داركم احد يتمشى في هالحر .. اما انا فارد اجر اذيال الدراسة عائدة الى السيارة اللي صافطتها اخر الدنيا بعيد عن الزحمة

 

على طاري السيارة .. ايام الامتحانات رحت مع السايق علشان يمديني ادرس و لما طلعت من الاختبار لقيت السيارة خربانة و بنفس الوقت سيارة بنات جنبنا خربانة .. انا طبعا دخلت عن الشمس و خليت السايق يتصرف .. اللي قهرني ان الشباب كلهم فزعوا للبنت و خلوا سايقنا .. انا احترت قلت ما ادري اروح و اوقف جنب السيارة علشان يجون << ايه هين

بس تعوذت من ابليس و الحمد الله فزع لنا واحد من الهنود وسوى لنا اشتراك

 

 

 اما اهم الاحداث في هذا الصيف ..

   ابوي شرالي سيارة و صرت اروح فيها الجامعة و كل يوم اطمر الرصيف اول ما شراها طبت السلطة في بطني << لا احد يقول يعني وشو

و قلت وش ذا الوهقة بغيناها طرب صارت نشب ..

بس بعدها و بعد تشجيع قوي صرت اروح فيها يوميا و قبل لا اطلع اعطي تحذير لجميع معارفي و اصدقائي بأني طالعة و مو مسؤولة عن اصابة اي شخص

بس ياهي فلة السواقة .. ونااااسة << ابد ما تقهر سيرة الحب

الزبدة من كل الهذرة اللي فوق

لا احد ياخذ صيفي

 الشعر العباسي حلو و مو حلو

باركولي شريت سيارة

 

سلاااااااااااام

 

ان أردتــ ان تــكون ,, مــمـيـزا

 

فــــأحــط نـفــسـكـ ,, بــالمـمــيـزيــن